Monday, September 3, 2012

იცით თუ არა რას ნიშნავს ნარჩენების მართვის პირამიდა?


იცით თუ არა რას ნიშნავს ნარჩენების მართვის პირამიდა ?

ნარჩენების მართვის პირამიდა ეფუძნება “3R” (Reduce, Reuse, Recycle) ინიციატივას-”შეამცირე, ხელახლა გამოიყენე, გადაამუშავე”.

ჩვენ შეგვიძლია ცოტაოდენი მონდომებით მნიშვნელოვანი შედეგები მივიღოთ.

როგორ?
  1. არ დაყაროთ არაფერი:ტროტუარებზე, პარკებში, ბაღებში,წყალთან ახლოს, გზასთან და საერთოდ სადაც არუნდა  იმყოფებოდეთ! მიუხედავად იმისა, არის თუ არა ნაგვის ურნა ახლომახლო  ჩვენი პასუხისმგებლობაა, ვიფიქროთ სად გადავყაროთ ნარჩენები;
  2. არ დატოვოთ ნარჩენები ნაგვის ურნის გვერდზე, აუცილებლად ჩაყარეთ კონტეინერში;
  3. საკვების ნარჩენები ჩაყარეთ ქაღალდის პაკეტებში და არა პოლიეთილენის პარკებში, ამით დააჩქარებთ ნარჩენების  ბიოლოგიურ დაშლას;
  4. შეძლებისდაგვარად ეცადეთ, არ იყიდოთ ერთჯერადი გამოყენების საგნები, განსაკუთრებით ჭურჭელი;
  5. ეცადეთ სასმელები იყიდოთ მინის ბოთლებში და არა ალუმინის  ქილებში,რადგან ამ უკანასკნელის  დასამზადებლად იხარჯება დიდი რაოდენობის ელექტროენერგია;
  6. ეცადეთ არ იყიდოთ  ცელოფან გადაკრული ხილი და ბოსტნეული;
  7. შეძლებიდაგვარად ეცადეთ სასმელები  იყიდოთ მრავალჯერადად გამოსაყენებელ ჭურჭელში (პლასტმასის მაგივრად მინის). ამით  დაზოგავთ არამარტო თქვენს თანხებს, არამედ მინის წარმოებაზე დახარჯულ თანხებსაც;
  8. ეცადეთ მაიონეზე იყიდოთ ქილებში და არა პლასტმასის კონტეინერებში;
  9. არ გადაყაროთ ძველი სათამაშოები და ტანსაცმელი, გადაეცით მეორადი მოხმარებისათვის;
  10. ხელმეორედ გამოიყენეთ პოლიეთილენის პაკეტები;
  11. ფაქსი და პრინტერი დააყენეთ ორივე  მხარეს ბეჭდვის რეჟიმზე, ამით შეამცირებთ ბეჭდვაზე გამოყენებული ქაღალდის რაოდენობას;
  12. ქაღალდი არ ჩაყაროთ ნაგავში, შეაგროვეთ ცალკე და გატანაზე დაუკავშირდით ქაღალდის გადამამუშავებელ  ფირმებს.

ზოგი მათგანის (ქაღალდის გადამამუშავებელ  ფირმების) კოორდინატებია:

საფირმო სახელწოდება: შპს “LMS” - ქაღალდის გადამამუშავებელი ქარხანა
ხელმძღვანელი -ქალბატონი ლელა ჩიტაძე
ტელ: 2  76 87 17
მისამართი - ორხევი, ახვლედიანის # 3

საფირმო სახელწოდება: შპს ”ჯორჯიან ფეიფარ პროდაქშენი”- ქაღალდის გადამამუშავებელი
ხელმძღვანელი -ბატონი გივი ახვლედიანი
ტელ2 407240
მისამართი - თბილისი, ლილო, იუმაშევის ქ.#17

აფირმო სახელწოდება: შპს ”თთს”-ქაღალდის გადამამუშავებელი
ტელ: 265 88 05
მისამართი:  თბილისი, ოდესის ქ. #3 

No comments:

Post a Comment