ინფორმაცია

პროექტის -”დავასუფთაოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში”-ორგანიზებით  2012 წლის 15 ნოემბერს დაგეგმილია ნარჩენების მართვის სფეროსა და ნარჩენების რეციკლირების სექტორში დასაქმებული საწარმოების წარმომადგერნლების მონაწილეობით კონფერენციის ჩატარება თემაზე: ”რეციკლირების ბიზნესის როლი და მთავარი გამოწვევები მყარი მუნიციპალური ნარჩენების ინტეგრირებულ მართვაში”.

კონფერენციაზე განხილული იქნება და მოეწყობა დისკუსია შემდეგ საკითხებზე:

Ø  რეციკლირების სექტორის როლი მუნიციპალური ნარჩენების მართვასა და განსათავსებელი მუნიციპალური ნარჩენების მინიმიზაციაში. არსებული მდგომარეობა და მთავარი გამოწვევები;

Ø  საქართველოში მეორადი გადამუშავების საწარმოების მატერიალურ - ტექნიკური მდგომარეობა. ნარჩენების შეგროვება/სეპარაციის სისტემები და ტექნოლოგიები;

Ø  მეორადი გადამუშავების პროდუქტების ბაზრის შეფასება. ადგილობრივი და უცხო ქვეყნის ბაზრების ხელმისაწვდომობა;

Ø  რეციკლირების სექტორი სახელმწიფო პოლიტიკაში და დარგობრივ სტრატეგიებში;

Ø  მოსაზრებები და რეკომენდაციები  ნარჩენების რეციკლირების სექტორში დასაქმებული საწარმოების გაძლიერებისა და სახელმწიფო პროგრამებში ინტეგრირებისათვის.

2012 წლის 16 ნოემბერს დაგეგმილია პროექტის ”დავასუფთაოთ საქართველო – საზოგადოების ცნობიერების ამაღლება და მისი ჩართვა მყარი საყოფაცხოვრებო ნარჩენების მართვის გაუმჯობესების პროცესში” ფარგლებში   ეროვნული შეხვედრის ჩატარება. შეხვედრაზე

Ø  წარმოდგენილი იქნება პროექტის ანგარიში;

Ø  მოეწყობა პროექტის ფარგლებში შექმნილი რუკების პრეზენტაცია;

Ø  წარმოდგენილი იქნება პოპულარული სახელმძღვანელო ”მყარი საყოფაცხოვრებო ნარჩენების მართვის საკითხებზე ნარჩენების მართვის არსებული პრაქტიკა”;

Ø  განხილული იქნება საქართველოში ნარჩენების მართვის არსებული პრაქტიკა და პოპულარული სახელმძღვანელო მყარი საყოფაცხოვრებო ნარჩენების მართვის საკითხებზე;

Ø  წარმოდგენილი იქნება საქართველოში მწვანე ეკონომიკის განვითარების სიტუაციური ანალიზი მყარი საყოფაცხოვრებო ნარჩენების რეციკლირების მაგალითზე;

Ø  გაიმართება ნარჩენების მართვის საკითხებზე  მომუშავე ჟურნალისტების, საუკეთესო ტელე-რეპორტაჟისა და საუკეთესო სტატიის ავტორების,  დაჯილდოება;

Ø  გაიმართება ნარჩენების მართვის სფეროსთან დაკავშირებული  „შემწუხებლების“ (Watchdog) ორგანიზაციების წარმომადგენელი აქტიური ახალგაზრდების დაჯილდოება.